Achamyeleh Tamiru – Ethiopian Tribune https://ethiopiantribune.com የኢትዮጵያ ትሪቢውን Sat, 20 Aug 2022 08:56:11 +0000 en-GB hourly 1 https://wordpress.org/?v=6.9 https://i0.wp.com/ethiopiantribune.com/wp-content/uploads/2020/08/EthiopianTribune.jpg?fit=32%2C32&ssl=1 Achamyeleh Tamiru – Ethiopian Tribune https://ethiopiantribune.com 32 32 213632640 ዐቢይ አሕመድ በፕሬዝደንትነት ስለሚመራው ብል[ጽ]ግና ልዩ ባሕርያት https://ethiopiantribune.com/2022/03/%e1%8b%90%e1%89%a2%e1%8b%ad-%e1%8a%a0%e1%88%95%e1%88%98%e1%8b%b5-%e1%89%a0%e1%8d%95%e1%88%ac%e1%8b%9d%e1%8b%b0%e1%8a%95%e1%89%b5%e1%8a%90%e1%89%b5-%e1%88%b5%e1%88%88%e1%88%9a%e1%88%98%e1%88%ab/ https://ethiopiantribune.com/2022/03/%e1%8b%90%e1%89%a2%e1%8b%ad-%e1%8a%a0%e1%88%95%e1%88%98%e1%8b%b5-%e1%89%a0%e1%8d%95%e1%88%ac%e1%8b%9d%e1%8b%b0%e1%8a%95%e1%89%b5%e1%8a%90%e1%89%b5-%e1%88%b5%e1%88%88%e1%88%9a%e1%88%98%e1%88%ab/#respond Mon, 14 Mar 2022 10:00:50 +0000 https://ethiopiantribune.com/?p=1756
0 0
Read Time:1 Minute, 57 Second

ተፃፈ በ አቻምየለው ታምሩ

በዐቢይ አሕመድ የሚመራው ብል[ጽ]ግና ምድራችን ካስተናገደቻቸው ዘረኛ ድርጅቶች ሁሉ ዘረኛነትን ፍጹማዊ ያደረገ ዘግናኝ የዘር ድርጅት ነው!

ዐቢይ አሕመድ በፕሬዝደንትነት ስለሚመራው ብል[ጽ]ግና ልዩ ባሕርያት ሲናገር በኢትዮጵያ ከተከሰቱ ፓርቲዎች ሁሉ አገር በቀል እሰቤ በውስጡ በመያዝ የተመሰረተ የመጀመሪያው ፓርቲ መሆኑን ገልጿል። ይህን የተናገረው ዐቢይ አሕመድ በትናንትናው እለት በዋለው ውሎ የፓርቲውን የማእከላዊ ኮሚቴ አባላት “ሲያስመርጥ” ውሏል።

ማእከላዊ ኮሚቴ ወይም Central Committee እንደ ቀድሞው ሶብየት ኅብረት፣ ቻይና፣ ቬትናም፣ አልባኒያ፣ ሰሜን ኮሪያ ወዘተ ያሉ የኮምኒስት አገሮችን ይገዙ የነበሩ የኮምኒት ፓርቲዎች ስራ አስፈጻሚ አመራር አባላት የሚጠሩበት ስያሜ ነው። በአገራችንም በደርግ ዘመን አወቃቀሩ ከሶብየት ኅብረት ኮምኒት ፓርቲ የተቀዳ “የኢሠፓ ማእከላዊ ኮሚቴ”፤ በፋሽስት ወያኔ ዘመን ደግሞ ከአልባንያ የተቀዳ “የኢሕአዴግ ማእከላዊ ኮሚቴ” የሚባል የስራ አስፈጻሚ አመራር አባላት የሚጠሩበት ስያሜ ነበር።

ዐቢይ አሕመድ ልዩ ተክለ ቁመና ሊያላብሰውና የአገር በቀል እሳቤን መሰረት በማድረግ የተመሰረተ አድርጎ ሊሸጠው የሚፈልገው ብል[ጽ]ግና ፓርቲ እንደ ኢሠፓና ኢሕአዴግ ሁሉ የነ ቻይና፣ የነ ሶብየት ኅብረት፣ የነኩባና የነ አልባንያ ኮምኒስት ፓርቲዎች ስራ አስፈጻሚ አመራር አባላት በሚጠራበት የማእከላዊ ኮምቴ ስያሜ የፓርቲውን ስራ አስፈጻሚ አመራር ስብስብ እየጠራና የኮምኒስት ፓርቲዎች ስራ አስፈጻሚና ማእከላዊ ኮሚቴ እያሉ በሚያደራጁበት የአገዛዝ ሰንሰለት ካድሬዎቹን አደራጅቶ ነው። ድንቄም አገር በቀል እሰቤ በውስጡ በመያዝ የተመሰረተ የመጀመሪያው ፓርቲ!

ብል[ጽ]ግና ከመንፈስ አባቱ ከኢሕአዴግ እጅግ የሚከፋ ዘረኛ የኮምኒስት ድርጅት ነው። ኢሕአዴግ አብዮታዊ ዲሞክራሲ የሚባል ዳያሌክቲካል ማቴሪያሊዝም ነበረው። የብል[ጽ]ግና ዲያሌክቲካል ማቴሪያሊዝም ግን ዘርና ዘር ብቻ ነው።

የብል[ጽ]ግና ማእከላዊ ኮሜቴ አባላት የተሰባሰቡት ያልመረጣቸው እንወክለዋለን የሚሉት የነገዳቸው ሕዝብ ቁጥር ከኢትዮጵያ ሕዝብ አጠቃላይ ቁጥር አኳያ ተሰልቶ ነው። የመለስ ዜናዊው ኢሕአዴግ የዘር ፖለቲካን በኢትዮጵያ የተከለ ነቀርሳ ቢሆንም እንደ ዐቢይ አሕመዱ ብል[ጽ]ግና ግን የዘር ፖለቲካን ፍጹማዊ ያደረገ አልነበረም።

የመለስ ዜናዊ ኢሕአዴግ ፍልስፍናዬ አብዮታዊ ዲሞክራሲ ነው ይል ስለነበር የአራት እኅት ተብዮ ድርጅቶች ግንባር የሆነው ኢሕአዴግ ማእከላዊ ኮሚቴ አባላት ከአራቱም ድርጅቶች በእኩል ቁጥር የሚውጣጡ ነበሩ። የዐቢይ አሕመድ ብል[ጽ]ግና ግን ፍልስፍናው ዘር ስለሆነ ዲያሌክቲክ ማቴሪያሊዝሙ ዘር ብቻ ነው።

ኢሕአዴግን አዋሕጄ ብልጽግና ሆኛለሁ የሚለው የዐቢይ አሕመዱ ብል[ጽ]ግና የነገድ ድርጅቶች ግንባር የነበረው ኢሕአዴግ በነገድ ያላከፋፈለውን የእኅት ድርጅቶቹን የማእከላዊ ኮሚቴ አባላት ድርሻ ውሕዱ ብል[ጽ]ግና በየነገዱ ሕዝብ ቁጥር ልክ አከፋፍሎታል። እንዲህ አይነት ፍጹማዊ የሆነ የዘር ምደባን መሰረት ያደረገ ዘረኛ ድርጅት በአለም ታሪክ ታይቶ ስለማወቁ እርግጠኛ አይደለሁም።

ባጭሩ በዐቢይ አሕመድ የሚመራው ብል[ጽ]ግና የመለስ ዜናዊው ኢሕአዴግ እንኳን ተግባራዊ ያላደረገውን የዘር ፖሊሲ ሙሉ በሙሉ ወደ መሬት በማውረድ የዘር ፖሊሲን ፍጹማዊ ያደረገ፤ በአገራችን ታሪክ በአምስት አመቱ የፋሽስት ጣሊያን ወረራም ቢሆን ታይቶ የማይታወቅ የዘረኛነት ፖሊሲን መመሪያው ያደረገ የምድራችን ዘግናኝ ፍጹም ዘረኛ የኮምኒስት ድርጅት ነው።

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2022/03/%e1%8b%90%e1%89%a2%e1%8b%ad-%e1%8a%a0%e1%88%95%e1%88%98%e1%8b%b5-%e1%89%a0%e1%8d%95%e1%88%ac%e1%8b%9d%e1%8b%b0%e1%8a%95%e1%89%b5%e1%8a%90%e1%89%b5-%e1%88%b5%e1%88%88%e1%88%9a%e1%88%98%e1%88%ab/feed/ 0 1756 እነሆ ጀግና — የየካቲት 12ቱ ጸረ ፋሽስት ተጋድሎ መሪ ታላቁ አርበኛ ደጃዝማች ለጥ ይበሉ ገብሬ https://ethiopiantribune.com/2022/02/%e1%8a%a5%e1%8a%90%e1%88%86-%e1%8c%80%e1%8c%8d%e1%8a%93-%e1%8b%a8%e1%8b%a8%e1%8a%ab%e1%89%b2%e1%89%b5-12%e1%89%b1-%e1%8c%b8%e1%88%a8-%e1%8d%8b%e1%88%bd%e1%88%b5%e1%89%b5-%e1%89%b0%e1%8c%8b/ https://ethiopiantribune.com/2022/02/%e1%8a%a5%e1%8a%90%e1%88%86-%e1%8c%80%e1%8c%8d%e1%8a%93-%e1%8b%a8%e1%8b%a8%e1%8a%ab%e1%89%b2%e1%89%b5-12%e1%89%b1-%e1%8c%b8%e1%88%a8-%e1%8d%8b%e1%88%bd%e1%88%b5%e1%89%b5-%e1%89%b0%e1%8c%8b/#respond Sat, 19 Feb 2022 19:31:19 +0000 https://ethiopiantribune.com/?p=1667
0 0
Read Time:4 Minute, 58 Second

የካቲት 12 ቀን 1929 ዓ.ም. በማርሻል ግራዚያኒ ላይ የተፈጸመው የቦንብ ጥቃትና የአርበኛነት ተጋድሎ ሲነሳ ቀድመው የሚታወሱት የኤርትራ ጠቅላይ ግዛት ተወላጆቹ አብርሃ ደሞጭና ሞገስ አስገዶም፤ ግፋ ካለም የሐረርጌው አማራ ሰምዖን አደፍርስ ብቻ ናቸው። በተለይም በዘመነ ደርግ ሻዕብያና ጀብሀ የተባሉ ተገንጣዮችን ትርክት በፕሮፓጋንዳ ለመብለጥ ሲባል የአብርሃ ደቦጭና ሞገስ አስገዶም ስም የኤርትራ ተወላጆች ለኢትዮጵያዊነታቸው መስዕዋትነት የከፈሉ መሆናቸውን ለማሳየት እንደ አብነት እየተደጋገመ በየ መድረኩ ይወሳ ነበር። እርግጥ ነው እልቆ ቢስ የባሕረ ነጋሽ ልጆች ለኢትዮጵያዊነታቸው መስዕዋትነት ከፍለዋል። በዚህ ረገድ የጥቁር አንበሳው ጠቅላይ አዛዥ ሰማዕቱ ሌ/ኮሎኔል በላይ ኃይለአብ ቀዳዊው ተጠቃሽ ነው።

ሆኖ ግን በደርግ ዘመን እንደዋዛ የተጀመረው እነ አብርሃ ደቦጭና ሞገስ አስገዶምን የካቲት 12 በግራዚያኒ ላይ የተካሄደውን ጥቃት የመሩና ያቀናበሩ የተደረጉበት ታሪክ በግራዚያኒ ላይ የተካሄደውን የግድያ ሙከራ ያመነጩት፣ የመሩትና እቅዱን ያወጡት መታሰቢያ የታሪኩ ዋና ባለቤት የሆኑትን አርበኛ ውለታ የሚያስረሳ ስለሆነ መስተካከል ይኖርበታል።

በማርሻል ግራዚያኒ ላይ የተካሄደውን ኦፕሬሽን የጠነሰሱት፣ ለዚህ ኦፕሬሽን የማርሻል ሩዶልፎ ግራዚያኒ ኦፊሰር የነበረውን አብርሃ ደሞጭና የግራዚያኒ አስተርጓሚ የነበረውን ሞገስ አስገዶምን የመለመሉት፤ ጥቃቱን እንዲፈጽሙ የተመለመሉት እነ አብርሃ ደቦጭና ሞገስ አስገዶም ጥቃቱን ከፈጸሙ በኋላ ለዋሉት ውለታ የሚገባቸውን ለመክፈል ያሳመኑትና ከአዲስ አበባ ተሰውረው ወደ ሱዳን የሚሄዱበትን እቅድም ያወጡት በወቅቱ በነበራቸው ሥልጣን በጅሮንድ ኋላ ላይ በደረሱበት ማዕረግ ደግሞ ደጃዝማች የነበሩት ጀግናው አርበኛ ለጥ ይበሉ ገብሬ ናቸው።

ደጃዝማች ለጥ ይበሉ ገብሬ በሸዋ ጠቅላይ ግዛት በመርሐ ቤቴ አውራጃ አፍቀራ አምባ ማናለሽ ቀበሌ በ1885 ዓ.ም. የተወለዱ ሲሆን ከጥሊያን ወረራ በፊት የንጉሠ ነገሥቱ መንግሥት በጅሮንድ ነበሩ።

በግራዚያኒ ላይ የተካሄደውን የግድያ ኦፕሬሽር የመሩት ደጃዝማች ለጥ ይበሉ ገብሬ የግድያ ሙከራውን ያቀናበሩት ጀኔቭ የነበሩት ቀዳማዊ ኃይለ ሥላሴ በግራዚያኒ ላይ ጥቃት እንዲፈጽሙ ባስተላለፉላቸው ትዕዛዝ መሰረት ነው።

እደግመዋለሁ! በማርሻል ግራዚያኒ ላይ ቦንብ የመጣልና ግራዚያኒን የመግደል ሐሳብ የተጠነሰሰው በንጉሠ ነገሥቱ በቀዳማዊ ኃይለ ሥላሴ ነው። ታሪኩ እንዲህ ነው!

ከማይጨው ሽንፈት በኋላ ንጉሠ ነገሥቱ ጀኔቭ ሄደው የኢትዮጵያውያንን አቤቱታ በመንግሥታቱ ማኅበር ፊት በየጊዜው እየቀረቡ ለማሰማት እንዲችሉ 15 የንጉሡ ረዳቶች፣ አገረ ገዢዎችና ሚኒስትሮች በጉባኤ ወሰኑ በሗላ ንጉሡ ጀኔቭ አቅንተው (በተለይም ፋሽስት ጣሊያን አዲስ አበባን ከተቆጣጠረ በኋላ) የገጠማቸው ትልቁ ፈተና፣ ፋሽስት ጥሊያን ኢትዮጵያን ሙሉ በሙሉ ስለተቆጣጠረች የመንግሥታቱ ማኅበር ውስጥ የነበረው የኢትዮጵያ ወንበር ለጥሊያን ተላልፎ መሰጠት አለበት የሚለው የአባል ሀገራቱ ውሳኔ ነበር።

በዚህ ጊዜ ኢትዮጵያ በሊግ ኦፍ ኔሽን የነበራት የአባልነት ወንበር ለፋሽስቶቹ ተላልፎ እንዳይሰጥ ለማድረግ ንጉሠ ነገሥቱ የነበራቸው አንድ አማራጭ አዲስ አበባን የተቆጣጠረውን የፋሽስት መሪ በመግደል የኢትዮጵያ አርበኞች አዲስ አበባን መልሰው ለመያዝ በመዋጋት ላይ መኾናቸውን ለማኅበሩ በማሳወቅና በገጠሩ የኢትዮጵያ ክፍል ብቻ ሳይኾን በዋና ከተማዋ በአዲስ አበባ ውስጥም አርበኞች ትግል ላይ እንደኾኑ ጥሊያን ኢትዮጵያን ሙሉ በሙሉ ተቆጣጥራ እየገዛች አለመኾኗን ማሳየት ነበረባቸው።

ባጭሩ ንጉሠ ነገሥቱ በዋና ከተማቸው ላይ እንዲደረግ ያሰቡትን ጉልህ ተጋድሎ ለዓለም በማሳየት ኢትዮጵያ በጀኔቭ የነበራት ወንበር ለፋሽስቶች ተላልፎ እንዳይሰጥ ለመከራከር ሲሉ ነበር የካቲት 12 ቀን 1929 ዓ.ም. በኢጣሊያ ንጉሣዊ ቤተሰብ አንድ ልዑል መወለዱን ምክንያት በማድረግ በግራዚያኒ ትእዛዝ በቀድሞው የገነተ ልዑል ቤተ መንግሥት (የአሁኑ አዲስ አበባ ዩኒቨርስቲ ቅጽር ግቢ) በተዘጋጀው የድግስ ፕሮግራም ላይ የሚገኙ የፋሽስት ከፍተኛ ሹማምንት በሙሉ እንዲገደሉ በውጭ ጉዳይ ሚንስትራቸው በብላቴን ጌታ ኅሩይ ወልደ ሥላሴ በኩል ወደ አዲስ አበባ ትእዛዝ ያስተላለፉት። [ ምንጭ፡ Campbell, I. (2007). “Yekatit” 12 Revisited: new light on the strike against Graziani. Journal of Ethiopian Studies, 40 (1/2), 135-154; Page 142]

ይኽንን በፋሽስት ከፍተኛ ሹማምንት ላይ የታቀደውን የግድያ ኦፕሬሽን እንዲያስፈጽሙ የታዘዙት ደግሞ አዲስ አበባ ውስጥ የነበሩት ደጃዝማች ለጥይበሉ ገብሬ ነበሩ። ልብ በሉ! ትእዛዙን ወደ ደጃዝማች ለጥይበሉ ገብሬ በጽሑፍ የላኩት ከንጉሠ ነገሥቱ ጋር በጀኔቭ አብረዋቸው የነበሩት የወቅቱ የውጭ ጉዳይ ሚኒስትር ብላቴን ጌታ ኅሩይ ወልደ ሥላሴ ናቸው። [ምንጭ፡ ዝኒ ከማሁ]

ብዙ ሰው አብርሃ ደቦጭና ሞገስ አስገዶም ከየካቲት 12 ቀን 1929 ዓ.ም. በፊት በዱር በገደሉ ሲንከራተቱ የነበሩ አርበኞች ይመስሉታል፤ ይህ ስህተት ነው። አብርሃ ደቦጭ ከወረራው በፊት ከተፈሪ መኮንን ትምህርት ቤት ከተመረቀ በኋላ አዲስ አበባ ውስጥ ሲኖር ለጥሊያን መንግሥት ሲሰልል ተገኝቶ በሀገር ክዳት ተፈርዶበት ግራዚያኒ አዲስ አበባን እስኪቆጣጠር ድረስ በእስር ላይ የነበረ ሰው ነው። ግራዚያኒ አዲስ አበባ ሲገባ በስለላ ሲያገለግለው የነበረው የፋሽስት አገዛዝ ከእስር እንዲወጣ አድርጎት መጀመሪያ የዲቦኖ በመቀጠል የግራዚያኒ የፖለቲካ አማካሪ ኾኖ ተሾመ። ሞገስ አስገዶም ደግሞ የግራዚያኒ አስተርጓሚ የነበረ ታማኝ አገልጋይ ነበር። ሞገስና አብርሀም ንጉሠ ነገሥቱ ላቀዱት አላማ የታጩት በወዳቻቸቸው በተለይም የትምህርት ቤት ጓደኛቸው በነበረው የበጌምድሩ አርበኛ በስብሐት ጥሩነህና በሐረርጌው አማራ በስምኦን አደፈርስ ታማኝ የፋሽስት ጣሊያን ታማኝ አገልጋዮች እያሉ ነው።

በዚህ ኹኔታ በስብሐት ጥሩነህ የተመለመሉት እነ አብርሃ ደቦጭና ሞገስ አስገዶም ፊታቸውን እየተሸፈኑ በመግባት ስለ ኦፕሬሽኑ ሥልጠና ይሰጣቸው የነበረው በመርሃቤቴው አርበኛ በደጃዝማች ለጥይበሉ ቤት ውስጥ ነበር። አብርሃ ደቦጭና ሞገስ አስገዶም የቦንብ ጥቃት የፈጸሙ ዕለት (የካቲት 12 ቀን 1929 ዓ.ም) መነሻቸው የደጃዝማች ለጥ ይበሉ ቤት ነበር። [ምንጭ ዝኒ ከማሁ ገጽ 141] ከዚህ በተጨማሪ በግራዚያኒ ላይ የተወረወረውን ቦንብ የገዙትና ለአብርሃና ሞገስ እንዴት እንደሚፈታ አሰልጥነው የሰጧቸው ታላቁ አርበኛ ደጃዝማች ለጥይበሉ ገብሬ ናቸው። [ምንጭ ፡ Greenfield, R. (1965). Ethiopia፡ a New Political History. FA Praeger; ገጽ 240]

ደርግ ግን ንጉሡንና ደጃዝማች ለጥ ይበሉ ገብሬን ማውገዝ እንጅ በባለታሪክነት መጥቀስ ስለማይፈልግ አስራ ሰባት ዓመታት ሙሉ እነ አብርሃ ደቦጭና ሞገስ አስገዶምን ሲያስታውስ ሲከርም በግራዚያኒ ላይ ጥቃት እንዲፈጸም ትዕዛዝ የሰጡትን ቀዳማዊ ኃይለ ሥላሴንና ጥቃቱን ያስፈጸሙትን ደጃዝማች ለጥ ይበሉ ገብሬን ስለውለታቸው አንድም ቀን እንኳ ስማቸውን ጠርቶ በበጎ አስታውሷቸው አያውቅም። ከደርግ በኋላ የመጡት ፋሽስቶችም የቀጠሉት ደርግ በጀመረው መንገድ ነው።

ልብ በሉ! ደጃዝማች ለጥ ይበሉ ገብሬ በግራዚያኒ ላይ ለመፈጸም ያቀዱትን ጥቃት ለማድረስ በወዳጃቸው በሰምዖን አደፍርስ አማካኝነት የመለመሏቸው አብርሃ ደቦጭና ሞገስ አስገዶም በግራዚያኒ ላይ ቦንብ ለመጣል የታጩት በወቅቱ የግራዚያኒ የማይጠረጠሩ ታማኝ አገልጋዮችና ግራዚያኒን ከሚቀርቡ ጥቂት የተማሩ ጥቁሮች መካከል ስለነበሩ እንጂ አርበኞች ስለነበሩ አይደለም። በኦፕሬሽኑ በመሳተፋቸውም ዳጎስ ያለ ገንዘብ በደጃዝማች ለጥ ይበሉ ገብሬ ተከፍሏቸዋል።

ደጃዝማች ለጥ ይበሉ ገብሬ በግራዚያኒ ላይ የተካሄደውን የግድያ ሙከራ ከመሩ በኋላ የእረኛ ልብስ ለብሰው ራሳቸውን በመቀየር ከአዲስ አበባ ስለወጡ ሳይገደሉ የቀሩና ቀሪውን የፋሽስት የወረራ ዘመን ከነራስ አበበ አረጋይ ጋር ሆነው በአርበኛነት ሲፋለሙ የቆዩ ከግራዚያኒ የግድያ ሙከራ ጋር ተያይዞ ስማቸው ከሚጠቀሱ አርበኞች መካከል በሕይዎት የተረፉ ብቸኛው ሰው ናቸው። [ምንጭ: Campbell, I. (2017). The Addis Ababa Massacre: Italy’s National Shame. Oxford University Press; Page 243-248.]

እኒህ በግራዚያኒ ላይ የተካሄደውን የግድያ ሙከራ የመሩና ያቀናበሩት አርበኛ የሕይዎት ፍጻሜ የሆነው መንግሥቱ ንዋይና ግርማሜ ንዋይ የተባሉ የሰው ደም የተጠሙና የሰው ስጋ የተራቡ አውሬዎች በ1953 ዓ.ም. በካሄዱት የአርበኞች ፍጅት ነው። ከግራዚያኒና ከሙሶሎኒ ግድያ የተረፉት ጀግናው አርበኛ ደጃዝማች ለጥይበሉ ገብሬ «ለውጥ ለማምጣት ተነሳን» ባሉ ባገራቸው ልጆች በአዛውንት እድሜ ላይ ሳሉ በማረፊያቸው ታኅሣሥ 7 ቀን 1953 ዓ.ም. ያለ ፍርድ በግፍ ተረሸኑ። ከነመንግሥቱ ንዋይ እርድ የተረፉት የደጃዝማች ለጥ ይበሉ ገብሬ ጸረ ፋሽስት የትግል ጓዶች የሆኑት እነ ራስ መስፍን ስለሺና ደጃዝማች ፀሐዩ እንቁ ሥላሴ ደግሞ እነ መንግሥቱ ኃይለ ማርያም ያለ ፍርድ እጅ እያወጡ ፈጇቸው።

ዘላለማዊ ክብር የማይጠፋ ሥራ ሰርተው ላለፉ ለአይበገሬው ጀግና ለደጃዝማች ለጥ ይበሉ ገብሬ!

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2022/02/%e1%8a%a5%e1%8a%90%e1%88%86-%e1%8c%80%e1%8c%8d%e1%8a%93-%e1%8b%a8%e1%8b%a8%e1%8a%ab%e1%89%b2%e1%89%b5-12%e1%89%b1-%e1%8c%b8%e1%88%a8-%e1%8d%8b%e1%88%bd%e1%88%b5%e1%89%b5-%e1%89%b0%e1%8c%8b/feed/ 0 1667 ኢትዮጵያ ታላቅ ልጇን አጣች! https://ethiopiantribune.com/2021/06/%e1%8a%a2%e1%89%b5%e1%8b%ae%e1%8c%b5%e1%8b%ab-%e1%89%b3%e1%88%8b%e1%89%85-%e1%88%8d%e1%8c%87%e1%8a%95-%e1%8a%a0%e1%8c%a3%e1%89%bd/ https://ethiopiantribune.com/2021/06/%e1%8a%a2%e1%89%b5%e1%8b%ae%e1%8c%b5%e1%8b%ab-%e1%89%b3%e1%88%8b%e1%89%85-%e1%88%8d%e1%8c%87%e1%8a%95-%e1%8a%a0%e1%8c%a3%e1%89%bd/#respond Fri, 11 Jun 2021 10:35:25 +0000 https://ethiopiantribune.com/?p=1203
0 0
Read Time:1 Minute, 14 Second

By Achamyeleh Tamiru

ኢትዮጵያ ዛሬ ቅርሷ፤ የጥንታቂ ቋንቋዋ ሊቅ፤ የጽሑፎቿ ሰብሳቢ፣ ጥልቅ ተመራማሪና የእውቀቶቿ ተርጓሚ፤ በሴሜቲክ ጥናት ዘርፍም በዓለም ላይ ወደር የማይገኝለት ጠቢቧን፤ በርካታ መጽሐፍትንና በመቶዎች የሚቆጠሩ የታሪክ፣ የቋንቋና የሥነ ጽሑፍ ምርምሮችን ያሳተመ የስነ ጽሑፍና የታሪክ ተመራማሪ፤ የአገር ተቆርቋሪ፣ የፍትሕ፣ የነፃነትና የሰብዓዊ መብት ተሟጋች የሆነውን ታላቁን ልጇን ፕሮፌሰር ጌታቸው ኃይሌን አጥታለች።

ፕሮፈሰር ጌታቸው ኃይሌ በሕይዎት ዘመኔ ካገኘኋቸው፣ እድሜ ዘመናቸውን ካካበቱት እውቀታቸው ትንሽም ቢሆን የተማርሁባቸው፣ ሥርዓት በተላበሰ ሥነ ዘዴ የሞገትኋቸውና የተጣራ የታሪክ ማስረጃ ሲቀርብላቸውም [አንዱን ይህን ትር በመጫን መመልከት ይቻላል https://www.facebook.com/achamyeleh.tamiru.3/posts/3357343314287594] ለዘመናት ደክመው የጻፉትን መጽሐፍ ሳይቀር ለማረም ዝግጁ እንደሆኑ ካየኋቸው ታላላላቅ የአገራችን ምሑራን መካክል በአንደኛ ደረጃ የማስቀምጣቸው ታላቅ ሰው ነበሩ። እኔና ፕሮፌሰር ጌታቸው ኃይሌ በተለያየ ካካሄድናቸውና ተቀድተው ለሕዝብ ይፋ እንዲሆን ከፈቀዷቸው ውይይቶቻችን መካከል የተሰወኑትን ወደፊት እዚህ ለመለጠፍ እሞክራለሁ።

ከፕሮፈሰር ጌታቸው ጋር ለመጨረሻ ጊዜ ያወራሁት መታመማቸው ሰምቼ ለመጠየቅ ከወራት በፊት በደወልሁበት ወቅት ነበር። በዚህ ከወራት በፊት በነበረን የስልክ ውይይት [ከታች ተያይዟል] ብዙም ጤና እንደሌላቸው፣ መተንፈስ እንደተቸገሩና አንድ ቀን የእስትንፋሳቸው መጨረሻ እንደሚሆን በሚያሳዝን ድምጽት ነግረውኝ ነበር። በዚህ አባባላቸው ምንም ልቤ ቢሰበርም ላበረታቸው ስለፈለግሁ ገና ከሳቸው ብዙ እንደምንጠብቅና እንደሚሻላቸው ተስፋዬን ገልጨላቸው ነበር።

ከዚህ ውይይታችን በኋላ ላገኛቸውና ስለ ጤናቸው ደግሜ ልጠይቃቸው በተደጋጋሚ ወደ እጅ ስልካቸው ብደውልም ስልካቸው አይነሳም። ይህ ከፕሮፌሰር ጌታቸው ጋር የነበረኝ የስልክ ቆይታ የመጨረሻው ይሆናል ብዬ አላሰብሁም ነበር። ሆኖም ግን በሰው ላይ ሞትን የሚያህል እዳ አለና የኔታ የነገሩኝንና ያሰቡትን ሁሉ ለመፈጸም ሳይችሉ አንድ ቀን የእስትንፋሴ መጨረሻ ይሆናል ያሉት ቀን ደረሰ። እጅግ ያሳዝናል።

ፕሮፌሰር ጌታቸው ኃይሌ ስለሰጡን ሁሉ እናመሰግንዎታለን! እግዚአብሔር ነፍስዎን በአጸደ ገነት ያኑራት። ለቤተሰባቸው በሙሉ ጽናትንና ብርታትን ፈጣሪ እንዲሰጣቸው ከልብ እመኛለሁ።

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2021/06/%e1%8a%a2%e1%89%b5%e1%8b%ae%e1%8c%b5%e1%8b%ab-%e1%89%b3%e1%88%8b%e1%89%85-%e1%88%8d%e1%8c%87%e1%8a%95-%e1%8a%a0%e1%8c%a3%e1%89%bd/feed/ 0 1203 አክሊሉ ሃብተ ወልድ እ.ኤ.አ. በ1935 ዓ.ም. በተካሄደው በፈረንሳይ ምርጫ የሰሩትን ታሪክ እ.ኤ.አ. በ2020 ዓ.ም. አሜሪካን አገር በሚካሄደው ምርጫ የሚደግም ኢትዮጵያዊ ይኖር ይሆን? https://ethiopiantribune.com/2020/10/%e1%8a%a0%e1%8a%ad%e1%88%8a%e1%88%89-%e1%88%83%e1%89%a5%e1%89%b0-%e1%8b%88%e1%88%8d%e1%8b%b5-%e1%8a%a5-%e1%8a%a4-%e1%8a%a0-%e1%89%a01935-%e1%8b%93-%e1%88%9d-%e1%89%a0%e1%89%b0%e1%8a%ab%e1%88%84/ https://ethiopiantribune.com/2020/10/%e1%8a%a0%e1%8a%ad%e1%88%8a%e1%88%89-%e1%88%83%e1%89%a5%e1%89%b0-%e1%8b%88%e1%88%8d%e1%8b%b5-%e1%8a%a5-%e1%8a%a4-%e1%8a%a0-%e1%89%a01935-%e1%8b%93-%e1%88%9d-%e1%89%a0%e1%89%b0%e1%8a%ab%e1%88%84/#respond Sat, 24 Oct 2020 22:39:02 +0000 https://ethiopiantribune.com/?p=671
0 0
Read Time:3 Minute, 3 Second

አቻምየለህ ታምሩ

የኢትዮጵያ አገልጋዩ ታላቁ አክሊሉ ሃብተ ወልድ ጸረ ኢትዮጵያ የነበረው የፈረንሳዩ ጠቅላይ ሚኒስትር የሙሴ ላቫል መንግሥት እ.ኤ.አ. በ1935 ዓ.ም. በተካሄደው የፈረንሳይ ምርጫ ተዘርሮ እንዲሸነፍና የኢትዮጵያን ነጻነት ይደግፍ የነበሩ የሙሴ ላቫል ተቃዋሚዎች እንዲያሸንፉ እንዳደረጉ ስንቶቻችሁ ታውቃላችሁ?!

አዎ ታላቁ አክሊሉ ሃብተ ወልድ ኢትዮጵያ በፋሽስት ወረራ በተደፈረችበት በዚያ የመከረ ወቅት ሞሶሎኒ ኢትዮጵያን እንዲወርር ያበለጠ ያበረታታ የነበረው የፈረንሳይ ጠቅላይ ሚንስትር የነበረው የሙሴ ላቫል መንግሥት በምርጫ እንዲሸነፍና በምትኩ የኢትዮጵያን ነጻነት የሚደግፉ የፈረንሳይ ተቃዋሚዎች እንዲያሸንፉ አድርገዋል።

ፀሐፌ ትዕዛዝ አክሊሉ ሃብተ ወልድ ይህንን ያደረጉት የሙሴ ላቫል ተቃማዊዎች የምርጫ ቅስቀሳ በየሚያደርጉበት መድረኮች ሁሉ እየተገኙ ሙሴ ላቫል ፈረንሳይ የፈረመችውን የሊግ ኦፍ ኔሽኑን “Collective Security” በመጣስ ሙሶሎኒን ኢትዮጵያን እንዲወር ከጣሊያን ጋር የተስማማበትን Mussolini-Laval Accord እና ከእንግሊዝ ጋርም Hoare–Laval Pact በሚል የተፈራረመውን ተመሳሳይ ሚስጥራዊ ውል የፈረንሳይ ሕዝብ በዝርዝር እንዲያውቀው በማድረግና በፈረንሳይ በወቅቱ ይታተሙ በነበሩ ታዋቂ ጋዜጦች ላይ ሁሉ በፈረንሳይኛ ቋንቋ ባሳተሟቸው ጠንካራ ጽሑፎች የፈረንሳይ መንግሥት ኢትዮጵያን አሳልፎ በመስጠት የፈጸመው ግፍ እንዲጋለጥ በማድረግ ነበር።

ይህ የአክሊሉ ሃብተ ወልድ የተሳካ ተጋድሎ ፍሬ አፍርቶ ኢትዮጵያን ለሙሶሎኒ የሸጠው ሙሴ ላቫል የኢትዮጵያን ጉዳይ የያዘበት መንግድ በፈረንሳውያን ዘንድ በመጠላቱና ከሙሶሎኒ ጋር ኢትዮጵያን አሳልፎ ለመስጠት የተፈራረመው የሚስጥር ስምምነት በመጋለጡ በተቃዋሚዎቹ እንዲሸነፍና ኢትዮጵያን የሚደግፍ ተቃዋሚ ፓርቲ መንግሥት እንዲሆን አስችሏል። የፈረንሳዩ ጠቅላይ ሚኒስትር ሙሴ ላቫል የኢትዮጵያ ጉዳይ የያዘበት መንገድ እንዲሸነፍ እንዳደረገው የሙሴ ላቫልን የሕይዎት ታሪክ የጻፈው Hubert Cole እ.ኤ.አ. በ1963 ዓ.ም. “Laval: A Biography of One of the Most Controversial Figures of World War II” በሚል ባሳተመው መጽሑፍ ከገጽ 210–11 ባለው ነግሮናል።

አክሊሉ ሃብተ ወልድም ይንን በፈረንሳይ አገር ያደረጉትን እልህ አስጨራሽ ትግል፤ ኢትዮጵያን ለሚሶሎኒ የሸጠው የሙሴ ላቫል መንግሥት እንዲሸነፍና የኢትዮጵያ ነጻነት ደጋፊ የሆነ ፓርቲ ወደ ሥልጣን እንዲመጣ ያካሄዱትን ተጋድሎ ፕሮፈሰር መስፍን ወልደ ማርያም በሰብሳቢነ ይመሩት ለነበረው መርማሪ ኮሚሽን ባቀረቡት ያሕይዎት ታሪካቸው ውስጥ ጽፈውታል። አክሊሉ በፈረንሳይ አገር ኢትዮጵያን የሚደግፍ መንግሥት እንዲመረጥ ያደረጉበትን ተጋድሎ ሙሉ ታሪክ ከታች ከታተሙት ገጾች መመልከት ይቻላል። ገጽቹ አክሊሉ ራሳቸው ከጻፉት ማስታወሻ የተወሰዱ ናቸው።

አሁን ጥያቄው በዚያ ዘመን የኖሩት አክሊሉ ሃብተ ወልድ ኢትዮጵያን ለሙሶሎኒ የሸጠው በሙሴ ላቫል የሚመራው የፈረንሳይ መንግሥት በምርጫ እንዲቀጣ እንዳዳረጉት ሁሉ የዚህ ዘመን ሙሴ ላቫል የሆነው ዶናልድ ትራምፕ በኢትዮጵያ ላይ እያራመደው ባለው ድፍረት የተሞላበት እብሪት በምርጫ ዋጋ እንዲከፍል የሚያደርግ ኢትዮጵያዊ ወይም ትውልደ ኢትዮጵያዊ አለ ወይም የሚል ነው?!

በኔ እምነት የአክሊሉ የአገር ፍቅር ስሜት ያለውና የኢትዮጵያ መደፈር የእግር እሳት የሚሆንበት Ethiopian American ወይም የአሜሪካ ዜግነት ያለው ትውልድ ኢትዮጵያዊ እስካላ ድረስ ልክ እንደ ሙሴ ላቫል በምርጫ ምጣድ ላይ ተጥዶ የሚገኘው ዶናልድ ትራምፕ የሙሴ ላቫይ አይነት ዋጋ እንዲከፍል ማድረግ ይቻላል።

ቀዳማዊ ኃይለ ሥላሴ በ1928 ዓ.ም. የኮሎኔልነት ማዕረግ ሰጥተው የኢትዮጵያ አየር ኃይል ዋና አዛዥ አድርገው የሾሙትና ከኢትዮጵያ ጎን ተሰልፎ ከፋሺስት ኢጣሊያ ጋር የተፋለመው ጥቁር አሜሪካዊው አብራሪ ጆን ቻርልስ ሮቢንሰን የደሙላትንና መላው ጥቁር ሕዝብ የነጻነት ተምሳሌት አድርገው የሚቆጥሯትን ኢትዮጵያን ግብጽ በቦንብ እንድታጋያት ፍቃድ ወይም ይሁንታ መስጠቱን በተለይ ጥቁር አሜሪካኖች እንዲያውቁ በማድረግ በኢትዮጵያ ላይ የሙሴ ላቫል አይነት አቋም እያራመደ የሚገኘው ዶናልድ ትራምፕ ዋጋ እንዲከፍል ማድረግ ይቻላል። የኢትዮጵያ ወዳጆች የሆኑትን እነ ጀሲ ጃክሰን፣ ጥቁር አሜሪካዊ ዝነኛ የፊልም ተዋናይ የሆኑት እነ ዊል ስሚዝን፣ አቀንቃኝ የሆኑት እነ ሪሐናንና የታዋቂ ሾው ሆስት የሚያደርጉትን እነ ኦፕራ ዊንፍሬይን በመጠቀም ዶናልድ ትራምፕ ግብጽ ኢትዮጵያን በቦንድ እንድትደበድብ ይሁንታ መስጠቱን ጥቁር አሜሪካውያን እንዲያውቁና በሚመርጡበት ወቅት ለዶናልድ ትራምፕ ድምጽ ባለመስጠት ከኢትዮጵያ ጎን እንዲቆሙ ማድረግ ይቻላል።

እንግዲህ! ይህ ወቅት በተለይ የአሜሪካ ዜግነት ያላችሁ ኢትዮጵያውያን ተነሳሽነቱን በመውሰድ ኢትዮጵያ በቦንብ እንድትደበደብ ይሁንታ የሰጠው ዶናልድ ትራምፕ ዋጋ እንዲከፍል በማድረግ የማኅበረሰብ አለኝታነታችሁን በተግባር የምታሳዩበት ወቅት ነው። አንዱ አክሊሉ በዚያ ጨለማ ዘመን በጭንቅ ውስጥ ሆነው በፈረንሳይ አገር ማድረግ የቻሉትን በሚሊዮን የሚቆጠር ኢትዮጵያዊና ትውልደ ኢትዮጵያዊ በነጻነት በሚኖርበት አሜሪካን አገር ውስጥ አክሊሉ የተከተሉትን መንገድ ተከትሎ ኢትዮጵያ በቦንድ እንድትደበደብ ይሁንታ የሰጠውን እብድ ሰውየ ዋጋ እንዲከፍል ማድረግ አይሳነውም።

ከቻት የታተሙት ገጾች ፀሐፌ ትዕዛዝ አክሊሊ በፈረንሳይ አገር በነበሩበት ወቅት ኢትዮጵያ በሙሲሎኒ እንድትወረር ያደረገውን የሙሴ ላቫል መንግሥት በምርጫ እንዲሸነፍና የኢትዮጵያን ነጻነት የሚደግፉ የፈረንሳይ ተቃዋሚዎች ወደ ሥልጣን እንዲመጡ ያደረጉበትን ተጋድሎ የሚያሳዩ ዶሴዎች ናቸው። ገጾቹ የተወሰዱት ፀሐፌ ትዕዛዝ አክሊሉ ራሳቸው ከጻፉትና ለመርማሪ ኮሚሽን ካቀረቡት ማስታወሻቸው የተወሰዱ ናቸው።

Achamyeleh Tamiru

Achamyeleh Tamiru (DR)

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2020/10/%e1%8a%a0%e1%8a%ad%e1%88%8a%e1%88%89-%e1%88%83%e1%89%a5%e1%89%b0-%e1%8b%88%e1%88%8d%e1%8b%b5-%e1%8a%a5-%e1%8a%a4-%e1%8a%a0-%e1%89%a01935-%e1%8b%93-%e1%88%9d-%e1%89%a0%e1%89%b0%e1%8a%ab%e1%88%84/feed/ 0 671 የዐፄ ዳዊቷ በራራ፤ በደግማዊ ምኒልክ ዘመን እንደገና የታደሰችው አዲስ አበባ https://ethiopiantribune.com/2020/09/achamyeleh-tamiru-2/ https://ethiopiantribune.com/2020/09/achamyeleh-tamiru-2/#respond Tue, 08 Sep 2020 18:03:09 +0000 http://ethiopiantribune.com/?p=468
0 0
Read Time:2 Minute, 10 Second

የዐፄ ዳዊቷ በራራ፤ በደግማዊ ምኒልክ ዘመን እንደገና የታደሰችው አዲስ አበባ በወያኔና በኦነግ ዘመን በግማሽ ጠበበች እንጂ ፈጽሞ አልሰፋችም!


ታከለ ኡማ ሳይፈጽመው በመቅረቱ የተፀፀተበትንና ለኦሮሞ ብሔርተኞችን ይቅርታ የጠየቀበትን አዲስ አበባን ፊንፊኔ የማድረግ ቀሪ የኦሮሙማ አላማ እንድታሳካ በዐቢይ አሕመድ ተሰይማ በአዲስ አበባ ሕዝብ ላይ የተጫነችዋ ተረኛዋ ከንቲባ አዳነች አበቤ በትናንትናው እለት ከአገዛዙ ልሳን ጋር ባደረገችው ቃለ መጠይቅ ጀሞ 3፣ ጀሞ 3፣ ሳሚት፣ ቦሌ አያት 5፣ ቦሌ፣ አያት 3 እና ቦሌ 4 ከኢሕአዴግ ዘመን በፊት አዲስ አበባ አልነበሩም ስትል በድፍረት ተናግራለች። ቃለ መጠይቅ ያደረገላት “ጋዜጠኛ”ም መደዴ ካድሬ ስለሆነ ተከታይ ጥያቄ ሳያቀርብላት የፈለገችውን አስተጋብታ እንድታልፍ አግዟታል።
በኅሊና እስረኞች በእነስክንድር ነጋ ላይ የግፍ ክስ የመሰረተችዋ እና ፕሮፌሰር መስፍን ወልደማርያም “አዳነች አቤቤን ዝም ብዬ ሳያት ራሷ ፍትህ ትመስለኛለች”፤ ያሏት አዳነች እንዳለችው በእውነት አዲስ አበባ በወያኔና በኦነግ ዘመን ሰፍታለችን? በፍጹም! አዲስ አበባ በፋሽስት ወያኔና በናዚ ኦነግ ዘመን በግማሽ ጠበበች እንጂ ፈጽሞ አልሰፋችም!


ከታች የታተመው የአዲስ አበባ ታሪካዊ ካርታ የደርግ አገዛዝ መጋቢት 6 ቀን 1968 ዓ.ም. በነጋሪት ጋዜጣ ቁጥር 25 ላይ ያወጣው የወቅቱን የአዲስ አበባ ከተማ ስፋት የሚያሳይ ካርታ ነው። ካርታው የታተመው የአዲስ አበባ ከተማ ካርታ የከተማ ቦታ የኪራይና የከተማ ቤት ግብር አዋጅ ቁጥር 80/1968 ዓ.ም.ን ለመደንገግ ከመጣው አዋጅ ጋር ነው።
ካርታና አዋጁን ፈርሞ በነጋሪ ጋዜጣ መጋቢት 6 ቀን 1968 ዓ.ም. እንዲወጣ ያደረገው የኦሮሞ ተወላጁ የወቅቱ የአዲስ አበባ ከንቲባ መኮንን ሙላት ይባላል። በአዋጁ መሰረት የአዲስ አበባ ከተማ የወቅቱ ስፋት 122,000 ሄክታር ነው። ይህ የአዲስ አበባ ካርታ በቀዳማዊ ኃይለ ዘመነ መንግሥት ከነበረው የአዲስ አበባ ስፋት ጋር አንድ አይነት ነው። በፋሽስት ወያኔና በናዚ ኦነግ ዘመን ግን የአዲስ አበባ ከተማ ስፋት 54,000 ሄክታር ነው ተብሏል። ይታያችሁ! አዳነች አዲስ አበባን ሰፍታለች የምትለን በግማሽ የጠበበችውን 54,000 ሄክታሯን ግማሽ አዲስ አበባን ነው።


ከካርታው ላይ በግልጽ እንደሚታየው በፋሽስት ወያኔና በናዚ ኦነግ ዘመን «ኦሮምያ» በሚል የተፈጠረው ክልል አንድ ዞን የተደረገው «ፊንፊኔ ልዩ ዞን» አካል የሆነው ገፈርሳ በ1968 ዓ.ም. በወጣው አዋጅ የአዲስ አበባ ከተማ አንዱ ክፍለ ከተማ ነበር። በቀዳማዊ ኃይለ ሥላሴ ዘመንም እንደዚያ ነበር። «የፊንፊኔ ልዩ ዞን» ተብሎ ኦሮምያ ክልል ውስጥ የተካተተው መሬት የአዲስ አበባ ክፍል ነበር።


አዳነች ጀሞ 3፣ ጀሞ 3፣ ሳሚት፣ ቦሌ አያት 5፣ ቦሌ፣ አያት 3 እና ቦሌ 4 ከኢሕአዴግ ዘመን በፊት የአዲስ አበባ ክፍሎች አልነበሩም ስትል ያደረገችው ንግግር በዘመኗ ልትሰራው ያሰበችውን የኦሮሙማ አላማ ጠቋሚ ነው። “የፊንፊኔ ከተማና የፊንፊኔ ዙሪያ ልዩ ዞን የአስተዳደር ወሰን ጥያቄ ከምርጫው በፊት ምላሽ ማግኘት አለበት” እያሉ ስለሆነ የአዳነች ንግግር እነዚህን አካባቢዎች ወዴት ለማካለል እንዳሰቡ ፍንጭ የሚሰጥ ነው።


የአዲስ አበባ ከተማ ወደ ቀድሞ ይዞታው መመለስ ይኖርበታል። አዲስ አበባ በፋሽስት ወያኔና በናዚ ኦነግ ዘመን የተወሰደባትን ገፈርሳ ክፍለ ከተማና የተቀሩት ከአዲስ አበባ ተወስደው «የፊንፊኔ ልዩ ዞን» የተደረጉት ክፍለ ከተሞቿ በቀዳማዊ ኃይለ ሥላሴና በደርግ ዘመን እንደነበረው ተመልሰው የከተማዋ አካል መሆን አለባቸው። በሚቀጥለው ጽሑፌ በቀዳማዊ ኃይለ ሥላሴ ዘመን የነበረውን የአዲስ አበባ ስፋትና ክፍለ ከተሞቿን አቀርባለሁ።

By: Achamyeleh Tamiru

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2020/09/achamyeleh-tamiru-2/feed/ 0 468 የኢዜማ ጥናት. . . አህያውን ፈርቶ ዳውላውን. . https://ethiopiantribune.com/2020/09/achamyeleh-tamiru/ https://ethiopiantribune.com/2020/09/achamyeleh-tamiru/#respond Wed, 02 Sep 2020 04:09:49 +0000 http://ethiopiantribune.com/?p=405
1 0
Read Time:4 Minute, 17 Second

Achamyeleh Tamiru

ኢዜማ በአምስት ክፍለ ከተሞች የሚገኙ የተወስኑ ቦታዎች ላይ ብቻ ባካሄደው ጥናት ያገኘውን ውጤት ዛሬ ባሰራጭው ሪፖርት 213,900 ካሬ ሜትር ቦታ የመሬት ወረራና ከ95, 000 በላይ የኮንደምኒየም ቤቶች ለተረኞች መታደላቸውን አረጋግጧል።

ከዚህ በተጨማሪ ኦሮሚያ የሚባለው ክልል “የመንግሥት ሠራተኞች” ከዚህ ቀደም በአዲስ አበባ እና በአዲስ አበባ ዙሪያ ባሉ ከተሞች ከተሰጣቸው ቦታ እና ኮንዶሚኒየም በተጨማሪ በአሁኑ ወቅት ድጋሚ በአዲስ አበባ የጋራ መኖሪያ ቤቶች እየታደላቸው መሆኑን ኢዜማ በጥናቱ ገጽ 11 ላይ ነግሮናል።

ይህንንም በዝርዝር ባቀረበው ማስረጃ ሲያስረግጥ ኦሮሚያ ከሚባለው ክልላዊ መንግሥት ቢሮዎች አዲስ አበባ ሳር ቤት አካባቢ ከሚገኘው ጽሕፈት ቤት ሁሉም የተመዘገቡ የክልሉ ሠራተኞች በሰኔ 12 ቀን 2012 ዓ.ም በሺዎች የሚቆጠሩ ቤቶች የድልደላ እጣ እንደወጣላቸው፤ የድልድል እጣ ለደረሳቸው ሰዎች ሰኔ 16 ቀን 2012 ዓ.ም ድልደል እንደተደረገላቸው፤ በዚህ ቀን ሁሉም ሠራተኞች የኮንዶሚኒየም ብሎክ ቁጥር እና የቤቱን ቁጥር በስማቸው ተረጋግጦ እንደተሰጣቸውና ኦሮምያ በሚባለው ክልል ጽሕፈት ቤት በኩል ኮሚቴ ተቋቁሞ ኮንዶሚኒየም ቤቶች በሚገኙባቸው ክፍለ ከተሞች በሚገኙ ወረዳዎች መታወቂያ የተሠራላቸው መሆኑን ለማወቅ መቻሉን ኢዜማ በጥናቱ አቅርቧል፡፡

ከዚህ በተጨማሪ በጥናቱ ገጽ 7 ላይ እንዳቀረበው የጋራ መኖሪያ ቤቶች ሕንጻዎች ውስጥ የተሠሩ የንግድ ቤቶች የልማት ተነሺ አርሶ አደሮች፣ ልጅ እና የልጅ ልጅ ተብለው በገፍ መታደላቸውንና በእግር ኳስ ደጋፊነት ስም ለተሰባሰቡ ማኅበራት መከፋፈላቸውን ተጨባጭ ባላቸው ማስረጃዎች ማረጋገጡን ነግሮናል። በሁለት ዓመት ውስጥ የተካሄደው ይህ መጠነ ሰፊ የሆነ የመሬት ወረራና “ሕገ ወጥ” የመኖሪያ ቤት ዕደላ በግልጽ የተደረገና በኢትዮጵያም በአዲስ አበባም ታይቶ በማይታወቅ መጠን እና ስፋት በግልጽ የተካሄደ መሆኑንም ኢዜማ አስታውቋል። ይህ ማለት በሁለት ዓመት ውስጥ በዚህ መጠን የተካሄደ የመሬት ወረራና የባለጊዜዎች የመኖሪያ ቤት እደላ በወያኔ የ27 ዓመታት የአገዛዝ ዘመን አልተካሄደም ማለት ነው።

ኢዜማ ጥናቱን ሲደመድም እንዳስታወቀው የአዲስ አበባ የመሬት ወረራና ሕገ ወጥ የመሬት እደላ የተካሄደው በክፍለ ከተማ እና በወረዳ ኃላፊዎች እና ፈፃሚዎች ሲሆን ኢፍትሐዊ ያላቸው ሕጎችን እና መመሪያዎችን በማውጣት እና ሕጋዊ ባልሆነ መንገድ ሕጎችን እና ደንቦችን በማሻሻል ለካቢኔው እና ለከንቲባው የተሰጠው ልዩ ሥልጣን (መመሪያ ቁጥር 1 እና 2/2011፣ ክፍል 2 አንቀጽ 12/2) ከንቲባውም ሆነ ካቢኔያቸው ቤቶችን እንደፈለጉ እንዲያድሉ ምክንያት ሆኗል ብሏል።

እዚህ ላይ አህያውን ፈርቶ ዳውላውን ያልሁበትን የኢዜማን ጥናት ጎደሎነት ላንሳ። ኢዜማ በጥናቱ ለመሬት ወረራውና ለሕገ ወጥ የመኖሪያ ቤት እደላው መንሳኤን ነው ብሎ ያቀረበው ምክንያት ከንቲባውና ካቢኔው ሕጎችን እና ደንቦችን እንዲያሻሽሉ የተሰጣቸውን ልዩ ሥልጣንና በተሰጣቸው ልዩ ሥልጣን ያወጧቸውን መመሪያ ቁጥር 1 እና 2/2011፣ ክፍል 2 አንቀጽ 12/2ን ነው። ሆኖም ግን ይህን ልዩ ስልጣን ለከንቲባውና ለካቢኔው የሰጠው ዐቢይ አሕመድ ነው። ዐቢይ አሕመድ ለካንቲባውና ለካቢኔው ይህን ልዩ ሥልጣን የሰጠው ወደ ስልጣን እንደመጣ አዲስ ደንብ አመንጭቶ ከንቲባ የሚሆን የአዲስ አበባ ምክር ቤት አባል ሳይታጣ ታከለ ኡማን ከአዲስ አበባ ምክር ቤት ውጭ አምጥቶ ለአዲስ አበባ ከንቲባ አድርጎ በሾመበት ወቅት ነው።

ይህ ማለት አዲስ ደንብ አውጥቶ የአዲስ አበባ ምክር ቤት አባል ያልነበረውን ታከለ ኡማን ከንቲባ ያደረገውና ደንቦችንና ሕጎችን እያሻሻለ መሬትና የመኖሪያ ቤት ለፈለጉት ሰው እንዲያድል ልዩ ሥልጣን የሰጠው ዐቢይ አሕመድ ነው። ይህ ማለት ኢዜማ በጥናቱ በፈተሻቸው በአምስት ክፍለ ከተሞች ውስጥ በሚገኙ የተወስኑ ቦታዎች ላይ ብቻ የተካሄደው 213,900 ካሬ ሜትር የመሬት ወረራ፣ ከ95, 000 በላይ መኖሪያ ቤቶች በሕገ ወጥ መንገድ ለባለጊዜዎቹ የታደሉትና በሺዎች ለሚቆጠሩ ኦሮምያ ክልል ለሚባለው ሰራተኞች የአዲስ አበቤ ቤቶች የታደሉት ዐቢይ አሕመድ ወደ ሥልጣን እንደመጣ የአዲስ ስበባ ምክር ቤት አባል ያልነበረውን ታከለ ኡማ ከንቲባ ለማድረግ ባወጣው ሕግና ከንቲባውና ካቢኔው ሕግና መመሪያ እያወጡ መሬትና ቤት ለሚፈልጉት ሰው እንዲያድሉ በሰጣቸው ልዩ ሥልጣን አማካኝነት ነው።

ኢዜማ ግን በጥናቱ ለመሬት ወረራውና ለሕገ ወጥ የቤት እደላው ለከንቲባውና ለካቢኔው ልዩ ሥልጣን የሰጡ መመሪያዎችን ተጠያቂ አድርጎ ለከንቲባውና ለካቢኔው አዲስ ሕግ አውጥቶ ልዩ ሥልጣን የሰጣቸውን ዐቢይ አሕመድን ለመሬት ወረራውና ለሕገ ወጥ የቤቶች እደላው ተጠያቂ ሳያደርገው ቀርቷል። እንዲህ አይነቱን ድፍረት ማጣት ነበር በዓሉ ግርማ “ድፍረት ከሌላት ብዕር ባዶ ወረቀት ብዙ ይናገራል” ሲል የተቸው።
ባጭሩ አሕያውን ፈርቶ ዳውላውን እንዲሉ በዐቢይ አሕመድ የተመራውን የአዲስ አበባ ወረራና ዐቢይ አሕመድ ራሱ አዲስ ሕግ አውጥቶ በሰጠው ልዩ ሥልጣን የተካሄደውን የመሬት ወረራና ለባለጊዜዎች የተደረገውን የመኖሪያ ቤቶች እደላ ከዐቢይ አሕመድ አናት ወርዶ መልእክተኞቹ ላይ ማነጣጠር ሞያ አይደለም! በአዲስ አበባ ጉዳይ ዐቢይ አሕመድ ከሁሉም ጽንፈኛ የኦሮሞ ብሔርተኞች የበለጠ ወሮ በላ ነው። መልዕክተኛው ታከለ ኡማ አድርግ የተባለውን ከፈጸመ በኋላ ለዋለው ውለታ ማዕረግ ተጨምሮለት ወደ ሚኒስቴርነት ያደገው <<ፊንፊኔ የኦሮሚያ መሆኗ የማይዋጥለት ካለ መንገዱን ጨርቅ ያርግለት>> ሲል የተናገረውን ወዶለት አዲስ ሕግ አውጥቶ ምክትል ከንቲባ ያደረገውን የዐቢይ አሕመድን አጀንዳ በተካሳ ሁኔታ ካስፈጸመ በኋላ ነው። ያለ ዐቢይ አሕመድ ፍቃድ፣ ይሁንታና መሪነት አዲስ አበባም ይሁን በሌላው የኢትዮጵያ ክፍል የሚፈጸም አንድም የአፓርታይድ ተግባር የለም።

በነገራችን ላይ በአዲስ አበባ ሕዝብ ገንዘብ ተሰርተው ለባለጊዜዎቹ የታደሉት 95 ሺህ መኖሪያ ቤቶች፣ በልማት ስም የአዲስ አበቤ ቤት እየፈረሰ ለመሬት ባንክ ገቢ ተደረገ ተብሎ የተወረረው 213,900 ካሬ ሜትር ቦታና በሺዎች ለሚቆጠሩ ኦሮምያ ክልል ለሚባለው ሰራተኞች የታደሉት የአዲስ አበቤ ቤቶች የዐቢይ አሕመድ የአፓርታይድ አገዛዝ አዲስ አበባ ውስጥ እያካሄደው ያለው የዲሞግራፊ ለውጥና የዘር ማጥራት [Ethnic cleansing] መገለጫዎች[manifestations] ናቸው። በዓለም አቀፍ ሕግ ሰው በሚኖርበት ቀዬው የሰራውን ቤት ቀምቶ ከሌላ አካባቢ አምጥቶ በዘር ላይ የተመረኮዘ ሰፈራ ማካሄድ ዘር ማጥራት [Ethnic cleansing] ነው። በኢዜማ ጥናት እንዳየነው በአዲስ አበባ የተካሄደውም ይህ የዘር ማጥራት [Ethnic cleansing] ነው።

ከታች የታተመው የፕሮፌሰር ብርሃኑ ንግግር ዛሬ ኢዜማ በጥናቱ ያቀረበው የመሬት ወረራና ሕገ ወጥ የመኖሪያ ቤቶች እደላ ለባለጊዜዎች ያካሄዱትን እነ ዐቢይ አሕመድና ታከለ ኡማን አሻጋሪ ናቸው ሲሉ ያሞካሹበት ምስክርነት ነው። ለነ ዐቢይና ታከለ ይህንን የመሰለ ምስክርነት የሰጡት ፕሮፈሰር ብርሃኑ ነጋ ወይ ስለ ንግግራቸው የአዲስ አበባን ሕዝብ ተንበርክከው ይቅርታ ጠይቀው ይህን አይነት የአመራር ብቃት ማነስና አድርባይነት ይዘው በመሪነት መቀጠል ስለማይችሉ የኢዜማ አመራርነቱ አስረክበው ውልቅ ማለት አለባቸው አልያም በሊቀመንበርነት የሚመሩት ድርጅት ኢዜማ ያወጣውን በዐቢይ አሕመድ የተመራ የአዲስ አበባ የመሬት ወረራና ለባለጊዜዎች የተካሄደ የመኖሪያ ቤቶች እደላ ጥናት ተቀባይነት የሌለው መሆኑን ማስተባበል ይኖርባቸዋል።

About Post Author

Ethiopian Tribune editor

editor@ethiopiantribune.com
https://ethiopiantribune.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
]]> https://ethiopiantribune.com/2020/09/achamyeleh-tamiru/feed/ 0 405