የሕዝብ ተወካዮች ምክር ቤት አባላት ሀብታቸውን አስመዘገቡ።

Read Time:37 Second

የሕዝብ ተወካዮች ምክር ቤት አባላት ሀብታቸውን በማስመዝገብ የሀብት ምዝገባ ሰነዳቸውን ለፌዴራል ሥነ ምግባር እና ፀረ ሙስና ኮሚሽን አስረከቡ።
–
የፌዴራል ሥነ ምግባር እና ፀረ ሙስና ኮሚሽን ሙስናን ለመዋጋት ሰፋፊ ሥራዎችን እየሠራ ነው ያሉት አፈ ጉባኤ አቶ ታገሰ ጫፎ፣ የሀብት ማስመዝገብ ሥራው ሙስናን ለመከላከል እና ለመዋጋት ትልቅ መሣሪያ ነው ብለዋል።
–
አክለውም ሙስናን የመዋጋት ሥራው ተጠናክሮ እንዲቀጥል በአዋጁ መሠረት ሁሉም የመንግሥት የሥራ ሓላፊዎች እና በየደረጃው የሕዝብን ሀብት የሚያስተዳድሩ ባለሞያዎች ከሥራ ባሕርያቸው አኳያ ሀብታቸውን እንዲያስመዘግቡ ይደረጋል ብለዋል።
–
ባለፉት ሁለት ዓመታት የፌዴራል ሥነ ምግባር እና ፀረ ሙስና ኮሚሽን ሥራውን አጠናክሮ መቀጠል እንዲያስችለው ተጠሪነቱ ለሕዝብ ተወካዮች ምክር ቤት እንዲሆን መደረጉን አፈ ጉባኤው ገልጸዋል።
–
ኮሚሽኑ ሥራውን አጠናክሮ እንዲቀጥል እና አገሪቱ ያላትን ሀብት በቁጠባ እና በተገቢው መንገድ ሥራ ላይ ለማዋል እንዲያስችል የሚመለከታቸው አካላት ሀብት የማስመዝገብ ሥራውን ማከናወን እንደሚገባቸው አቶ ታገሰ አሳስበዋል።